धुळ्याजवळ अपघातात चार जण ठार

धुळे - सोनगीर (ता. धुळे) ते दोंडाईचा दरम्यानच्या सोंडले (ता. शिंदखेडा) गावाजवळ आज सकाळी साडेसहाच्या सुमारास ट्रक (जीजे 7 यूयू 2394) आणि कार (जीजे 5, सीएल 4598) यांच्यात झालेल्या भीषण अपघातात चार जण ठार झाले, तर 12 जण जखमी झाले. जखमींपैकी दोघांची प्रकृती गंभीर आहे. मृतांमध्ये चालक व एका महिलेचा समावेश आहे. कारमधील प्रवासी सुरतहून देवभाने ग्रामपंचायतीच्या निवडणुकीच्या मतदानासाठी येत होते, असे सांगण्यात आले.

दोन मृतदेह शिंदखेडा ग्रामीण रुग्णालयात दाखल करण्यात आले. जखमींपैकी दोघांचा धुळे जिल्हा रुग्णालयात नेताना मृत्यू झाला. जखमींवर सोनगीर ग्रामीण रुग्णालयात प्रथमोपचार करून धुळे जिल्हा रुग्णालयात दाखल करण्यात आले. मृतांची नावे अशी : कन्हय्यालाल झावरू देसले (वय 65, रा. देवभाने), संजय हरी देसले (वय 35), गणेश हरी मराठे (वय 27, चालक) याच्यासह अन्य एका 60 वर्षीय महिलेचा समावेश आहे.

वार्तास्त्रोत